GRGI ၏ ၂၆ နှစ်မြောက်အထိမ်းအမှတ် လှူဒါန်းခြင်း (၂၀၂၂ ခုနှစ်၊ ဧပြီလ၊ ၁ ရက်နေ့)

Grand Royal Group International (GRGI) က စဉ်ဆက်မပြတ် လုပ်ဆောင်နေသော၊ လူထု အကျိုးပြု အစီစဥ်၏ ကဏ္ဍတစ်ရပ်အနေနှင့်၊ လုပ်ငန်းလည်ပတ်ရာ ရန်ကုန်စက်ရုံနှင့် မန္တလေးစက်ရုံ၊ အနီး ပတ်ဝန်းကျင် တို့တွင် မှီတင်း နေထိုင်ကြသော၊ ဒေသခံ ရပ်မိရပ်ဖများကို အခြေခံစားသောက်ကုန်များ၊ ထောက်ပံ့ လှူဒါန်းပေးအပ်ခဲ့ပါသည်။ 

ကိုဗစ်-၁၉ ကပ်ရောဂါ အခြေအနေနှင့် ကမ္ဘာ့စီးပွားရေးကပ်ဆိုက်မှုတို့ကြောင့် သန်းပေါင်းများစွာသော မိဘ ပြည်သူတို့၏ လူနေမှုဘဝများစွာကို ထိခိုက်နစ်နာစေခဲ့ပြီးဖြစ်ပါသည်။ GRGI အနေဖြင့်၊ ယခုကဲ့သို့သော လူမှုဘဝ ရိုက်ခတ်မှုများ အပေါ် ကောင်းစွာ သိရှိထားသောကြောင့် လိုအပ်သည့် အကူအညီများကို မိမိတို့တတ်နိုင်သည့်ဖက်က ကူညီ ဖြည့်ဆည်းပေးနိုင်အောင် ကြိုးစားလျှက်ရှိပါသည်။ ပရဟိတသည် မိမိတို့ အိမ်အတွင်းကပင် စတင် အကောင်အထည် ဖော်ရသည် ဟု ယုံကြည်ထားကြသည် နှင့်အညီ၊ မိမိတို့နှင့် အနီးကပ် ထိတွေ့နေရသော စီးပွားရေး လုပ်ငန်း လည်ပတ်ရာ လူမှုပတ်ဝန်းကျင်ကို ပထမဦးစားပေး အနေနှင့် ထောက်ပံ့ပေးသွားခြင်း ဖြစ်ပါသည်။

GRGI အနေဖြင့်၊ အိမ်ထောင်စုတစ်စုလျှင် မြန်မာငွေကျပ် တစ်သိန်း တန်ဖိုးရှိသော အခြေခံစားသောက်ကုန် (၁၃) မျိုး ပါဝင်သည့်၊ စားသောက်ကုန်များနှင့် ၂၅ ကီလို အလေးချိန်ရှိ ဆန်အိတ် (၂) အိတ်တို့ကို ရန်ကုန်စက်ရုံ ပတ်ဝန်းကျင်ရှိ အိမ်ထောင်စု (၉၃၂) စု နှင့် မန္တလေးစက်ရုံ ပတ်ဝန်းကျင်ရှိ အိမ်ထောင်စု (၁၂၆) စု တို့အတွက် ထောက်ပံ့လှူဒါန်းသည့်အပြင်၊ ဘုန်း‌တော်ကြီးကျောင်းများ၊ သီလရှင်ကျောင်းများနှင့်  အသင်းတော်ကျောင်းများအတွက် ဝတ္ထုငွေကျပ် ဆယ်သိန်းစီ (ရန်ကုန်အတွက် ဘုန်းတော်ကြီး‌ကျောင်း (၁) ကျောင်း၊ အသင်း‌တော် (၁) ကျောင်းနှင့် မန္တလေးအတွက် ဘုန်းတော်ကြီးကျောင်း (၆) ကျောင်း၊ သီလရှင်ကျောင်း (၁) ကျောင်း) တို့အတွက်လည်း ထည့်သွင်း၊ ထောက်ပံ့လှူဒါန်းခဲ့ပါသည်။ ဤအလှူဒါန ဖြစ်မြောက်ဖို့အတွက် GRGI ဝန်ထမ်းများနှင့် အခြားသောကုမ္ပဏီက ဝန်ထမ်းများက မ, တည်ငွေကျပ် သိန်း ၃၈၀ ကျော် ပါဝင်ထားကြပြီး၊ ကုမ္ပဏီဖက်ကလည်း အပိုထပ်ဆောင်းထည့်ဝင် ထားပါသည်။ 

၂၀၂၂ ခုနှစ်၊ ဧပြီလ၊ ၁ ရက်နေ့တွင် GRGI ဝန်ထမ်းများက စုပေါင်းလုပ်အားပေးကြကာ၊ လှူဖွယ်ပစ္စည်းများကို ဒေသခံမိဘပြည်သူများ လက်ထဲသို့ ကိုယ်တိုင်ကိုယ်ကျ သွားရောက်လှူဒါန်းခဲ့ကြပါသည်။ ဤအလှူဒါနသည် ခက်ခဲသည့် အချိန်ကာလအတွင်းမှာ၊ လက်ခံရရှိသော မိဘပြည်သူများ၏ အခက်အခဲများကို တစိတ်တပိုင်း ဖြေရှင်း ပေးနိုင်မည်ဟု မျှော်လင့်မိပါသည်။

GRGI ၏ အမှုဆောင်အရာရှိချုပ်ဖြစ်သူ၊ Mr. Rahul John Colaco က “GRGI အနေနဲ့၊ လုပ်ငန်းလည်ပတ်လာတဲ့ (၂၆) နှစ်တာသက်တမ်း တစ်လျှောက်မှာ၊ ကျွန်တော်တို့ခံယူထားတဲ့ “တာဝန်ကျေပွန်တဲ့ နိုင်ငံ့သားကောင်းဖြစ်စေရေး” ဆောင်ပုဒ်နဲ့အညီ၊ လူမှုအကျိုးပြုလုပ်ငန်းများ (CSR) ကို အစဥ်တစ်စိုက် အလေးပေး လုပ်‌ဆောင်လျှက်ရှိပါတယ်။ လုပ်ငန်းလည်ပတ်ရာ ရန်ကုန်စက်ရုံနဲ့ မန္တလေးစက်ရုံ အနီးပတ်ဝန်းကျင်က၊ ကျွန်တော်တို့နဲ့ ဆက်နွယ်နေတဲ့သူတွေရဲ့ ဘာသာရေး၊ ပညာရေး၊ ကျန်းမာရေးနှင့် အခြားသော လူမှုရေးရာကိစ္စရပ်တွေမှာလည်း အခါအားလျော်စွာ၊ လစဥ်၊ အပတ်စဥ် ပုံမှန် ကူညီထောက်ပံ့ပေးဖြစ်ပါတယ်။ ၂၀၂၂ ခုနှစ်ဧပြီလ မှာ ဆိုရင်တော့ ကျွန်တော်တို့တွေက ကုမ္ပဏီရဲ့  (၂၆) နှစ်ပြည့်အထိမ်းအမှတ် အနေနဲ့ ဒေသခံ မိဘပြည်သူများအတွက် လိုအပ်တဲ့ အခြေခံစားသောက်ကုန်တွေ လာရောက်လှူဒါန်းကြတာဖြစ်ပါတယ်။ ဒါတင်မကသေးပါဘူး၊ ဘုန်တော်ကြီးများ၊ အသင်းတော်ကျောင်းများအတွက် ဝထ္တုငွေကပ်တာတွေအပြင်၊ မှော်ဘီမြို့နယ် သဲကုန်ကျေးရွာအုပ်စုက ပြည်သူလူထုအတွက် အ‌ရေးပေါ်လူနာတင်ယာဥ် နှစ်စီးရပ်နားဖို့အတွက် အဆောက်အဦးတည်ဆောက်ဖို့ရယ်၊ သောက်သုံးရေကန်ဟောင်း ပြန်လည် တူးဖော်နိုင်ရန် တို့အတွက် မ, တည်ငွေ တွေကို လည်း တစ်ပါတည်း ကူညီထောက်ပံ့ပေးဖြစ်ပါတယ်။ ကျွန်တော်တို့ ကောင်းနိုးရာရာ ရွေးချယ်ထုတ်ပိုးထားတဲ့ စားသောက်ကုန်တွေကို လူကြီးမင်းတို့ မိသားစုဝင်များနဲ့အတူတူ တပျော်တပါး သုံးဆောင်ကြပါ။ ကျွန်တော်တို့ ပတ်ဝန်းကျင်မှာ ရှိနေတဲ့ လူကြီးမင်းတို့ရဲ့ အခက်အခဲတွေ၊ လိုအပ်နေတဲ့ အချိန်မှာ အကူအညီ၊ အထောက်အပံ့တွေကို အချိန်မီ ပေးနိုင်ဖို့အတွက် နားစွင့်ထားပါတယ်လို့ GRGI ကိုယ်စား ပြောကြားရင်းနဲ့၊ မြန်မာ့နှစ်သစ်ကူး အခါသမယမှာ၊ ကိုယ်စိတ်နှစ်ဖြာ ကျန်းမာဘေးကင်းကြပါစေကြောင်း ဆုမွန်ကောင်းတောင်းလိုက်ပါတယ်။”

GRGI သည် မြန်မာပြည်သူများအားလုံး၏ အကျိုးကို မျှော်ကိုးသော မိသားစုကြီးပမာလုပ်ငန်းများကို လုပ်ကိုင် လျှက်ရှိပြီး၊ မိမိတို့နှင့် ဆက်စပ်နေသောလူမှုအသိုက်အဝန်း၏ လူနေမှုဘဝအရေးပါမှုကိုလည်း တန်ဖိုးထားကာ အစဉ် အမြဲ အသိအမှတ် ပြုလျှက်ရှိပါသည်။

CEO Mr. Rahul Colaco’s Profile

Mr. Rahul Colaco (Chief Executive Officer) Grand Royal Group International Co,Ltd

Mr. Rahul Colaco is the CEO of Grand Royal Group International, having joined the organization in October 2020.
He is a business leader with a track record of leading diverse teams, building successful organisations and creating strong shareholder value in challenging business environments. He brings with him 23 years of global FMCG experience in leadership and change management roles in emerging and developed markets across Food & Beverage and Home & Personal Care categories, in Asia, Europe & Africa.
His most recent assignment was President of the China business for Friesland Campina, one of the world’s leading dairy companies. He also worked extensively at Unilever in India and Europe across finance, supply chain and marketing roles.
Rahul is an MBA graduate from the International Institute for Management Development (IMD), Lausanne and a Chartered Accountant from India.

နိုင်ငံတော်က ချီးမြှင့်ဂုဏ်ပြုသော ထိပ်တန်းအခွန်ထမ်းကြီးဆုကို (၅) နှစ်ဆက်တိုက် ရယူလျက်၊ Grand Royal Group International က ကုမ္ပဏီ တည်ထောင်ခြင်း (၂၅) နှစ်မြောက် ၊ ငွေရတုနှစ်ပတ်လည်ကို ဆင်နွှဲခဲ့

Grand Royal Group International (GRGI) သည်၊ မြန်မာနိုင်ငံတွင်၊ နာမည်ကျော် ဝီစကီ အမှတ် တံဆိပ်များကို ထုတ်လုပ်ဖြန့်ဖြူးသည့် ကုမ္ပဏီဖြစ်ပြီး၊ ၂၀၂၀ ပြည့်နှစ်တွင်၊ ကုမ္ပဏီတည်ထောင်ခြင်း (၂၅) နှစ် ပြည့်၊ ငွေရတုနှစ်ပတ်လည်ကိုဆင်နွှဲခဲ့ပြီးဖြစ်သည်။ နှစ်ပေါင်း ( ၂၅) နှစ်ကြာ၊ အတွေ့အကြုံများကြောင့်၊ မြန်မာ ပြည်တွင်း ယမကာထုတ်လုပ်ခြင်းကဏ္ဍတွင်၊ ဦးဆောင်နိုင်ခြင်းကို အများက အသိအမှတ်ပြုထားခြင်းလည်း လက်ခံရရှိထားသည်။ နိုင်ငံတွင်းတွင်၊ ဆုတံဆိပ်များသာမက၊ အပြည်ပြည်ဆိုင်ရာက အသိအမှတ်ပြုသော၊ ထိပ်တန်း ဝီစကီအမှတ်တံဆိပ်များတွင်၊  အကောင်းဆုံးဝီစကီ အတွင်းတွင်ပါဝင်ခဲ့သည်။

GRGI ၏ တွဲဖက်ဥက္ကဌ၊ ဦးအောင်မိုးကျော်က၊ ကုမ္ပဏီ (၂၅) နှစ်ပြည့်အထိမ်းအမှတ်နဲ့အတူ၊ အခါ အခွင့်ကြုံခိုက်၊ ကျွန်တော်တို့၏ အမှုဆောင်အရာရှိအသစ်ဖြစ်သူ၊ Mr. Rahul Colaco ကို ကြိုဆိုပါတယ်၊ ကျွန်တော်တို့ GRGI အနေနဲ့ တာဝန်ကျေပွန်တဲ့ နိုင်ငံ့သားကောင်းကုမ္ပဏီအဖြစ်၊ နိုင်ငံတော်ကို အခွန်အခ တွေ ပေးဆောင်ခဲ့တာ၊ အခုဆိုရင် အများဆုံးအခွန်ထမ်းဆောင်သူ စာရင်းမှာပါဝင်လို့၊ နိုင်ငံတော်သမ္မတကြီး ကနေ၊ ဂုဏ်ပြုတဲ့ ဆုတွေကို ချီးမြှင့်တာ (၅) နှစ်တာဆက်တိုက်ရှိပါပြီ။ ကျွန်တော်တို့ အနေနဲ့နိုင်ငံတော်နဲ့ အများ ပြည်သူအတွက်၊ အခွန်အခတွေကနေရတဲ့ ဘဏ္ဍာငွေဟာ အင်မတန်အရေးပါမှန်း သိရှိနားလည်ထားတဲ့ အတွက်၊ ကျွန်တော်တို့ ထမ်းဆောင်ရမယ့်၊ အခွန်အခတွေကို တာဝန်ကျေပွန်စွာ ထမ်းဆောင်ဖို့၊ အထူး အလေးထားပါတယ်။ ကျွန်တော်တို့အနေနဲ့ (၂၀၁၈-၂၀၁၉) စည်းကြပ်ဘဏ္ဍာနှစ်မှာ၊ စုစုပေါင်း (၁၁၃.၉) ဘီလီယံကျပ်ငွေ၊ အခွန်ထမ်း ဆောင်ထားပါတယ်။ဟုဆိုသည်။

အမှုဆောင်အရာရှိချုပ်ဖြစ်သူ၊ Mr. Rahul Colaco က အခု ၂၀၂၁ ခုနှစ်မှာ၊ ထုတ်ကုန်တွေ ပိုမိုတိုး တက်ဖို့၊ သုတေသနတွေ၊ အရည်အသွေးထိန်းသိမ်းတာတွေ၊ လူမှုအသိုင်းအဝန်းတွေကို စောင့်ရှောက်တဲ့ အစီအစဥ်တွေအတွက် ရာထားပြီး ဖြစ်ပါတယ်။ ယခုထက်ထိ၊ ကျွန်တော်တို့ အသုံးပြုတဲ့ ကုန်ကြမ်းဆန်ကွဲ တန်ချိန်ပေါင်းများစွာကို ပြည်တွင်းက တောင်သူတွေဆီကနေ၊ ဝယ်ယူအားပေးတဲ့အတွက်၊ ပြည်တွင်းက တောင်သူတွေအတွက်၊ မြန်မာကျပ်ငွေ ဘီလီယံနဲ့ချီပြီး ဝင်ငွေတွေရအောင် ဆောင်ရွက်နေပါတယ်။ဟုဆို သည်။

ကုမ္ပဏီ၏ ဆောင်ပုဒ်ဖြစ်သည့်” နိုင်ငံ့သားကောင်းကုမ္ပဏီဖြစ်တည်ရေး” နှင့်အညီ၊ Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး၊ အမျိုးသားအဆင့်ဗဟိုကော်မတီ နဲ့ ကျန်းမာ ရေးနှင့် အားကစားဝန်ကြီးဌာနများ၏ လမ်းညွှန်မှုများ ခံယူခဲ့ပြီး၊ ပထမလှိုင်းစတင်ကတည်းက၊ လူထုအ ထောက်အပံ့အဖြစ်၊ မြန်မာကျပ်ငွေသိန်း (၅,၀၀၀) တန်ဖိုးရှိသော၊ လက်သန့်ဆေးရည်ဗူးပေါင်း (၂၀၀,၀၀၀) ကို နိုင်ငံတဝန်းမှာရှိ၊ ဆေးရုံများ၊ ကွာရန်တင်းစင်တာများ၊ ဘုန်းတော်ကြီးကျောင်းများ၊ သီလရှင်ကျောင်းများ၊ နှင့်ပရဟိတအဖွဲ့အစည်းများကို လှူဒါန်းခဲ့သည်။ ထို့အပြင်၊ အခြေခံလူမှုအသိုင်းအဝန်းများအတွက်၊ အဓိက လိုအပ်သော၊ ပါးစပ်နှင့်နှာခေါင်းစည်းများ၊ ဆန် နှင့် ဆီ အခြေခံစားသောက်ကုန်များကိုလည်း၊ ထောက်ပံ့လှူ ဒါန်းထားသည်။ မကြာသေးမီကပင်၊ ကုမ္ပဏီအနေနှင့် ကုမ္ပဏီတည်ထောင်ခြင်း (၂၅) နှစ်မြောက်၊ ငွေရတုအ ထိမ်းအမှတ်အနေနှင့်၊ မြန်မာကျပ်ငွေသိန်း (၂,၀၀၀) တိတိကို၊ COVID-19 ကာကွယ်ဆေးဝယ်ယူရရှိရေး ရန်ပုံငွေစီမံခန့်ခွဲမှုဆပ်ကော်မတီ သို့  UMFCCI အသင်းကြီးမှတဆင့် လှူဒါန်းထားပြီး၊ ကျန်းမာရေးနှင့် အား ကစားဝန်ကြီးဌာနနှင့် ရန်ကုန်တိုင်းဒေသကြီးအစိုးရအဖွဲ့တို့ ဦးဆောင်သည့် “STOP COVID-19 Yellow Campaign” လှုပ်ရှားမှုတွင်၊  New Normal နှင့်အညီ လုပ်ငန်းဆက်လက်လည်ပတ်ရေးအား ရှေးရှူ၍ ပူး ပေါင်းပါဝင်ခဲ့သည်။

ပြည်ပထိုင်းနိုင်ငံတွင်၊ ‌ရောက်ရှိအလုပ်လုပ်ကိုင်နေကြသော၊ မြန်မာပြည်သူအများ၊ GRGI ၏ ဒါရိုက် တာနှင့်အဓိက၊  ရင်းနှီးမြှပ်နှံသူ၊ အစုရှယ်ယာဝင် အပြည်ပြည်ဆိုင်ရာကုမ္ပဏီ ဖြစ်သည့် Thai Beverage Public Company Limited မှ အမှုဆောင်အရာရှိချုပ်၏ အကြံပေးပုဂ္ဂိုလ်ဖြစ်သူ Mr Polapatr Suvarnazorn က ဦးဆောင်ပြီး၊ COVID-19 တစ်ကိုယ်ရေသုံး အကာအကွယ်ပစ္စည်းများ ဖြစ်သည့်၊ နှာခေါင်းစည်း အရေအတွက် စုစုပေါင်း (၂၀,၀၀၀) ခု၊ အရက်ပျံပမာဏ (၇၂) ရာခိုင်နှုန်းပါဝင်သော၊ အရက်ပျံ (၁၀၀) လီတာနှင့် လက်သန့် ဆေးရည်ဂျဲလ်ဘူး (၂၀) ကို ထိုင်းနိုင်ငံ၊ ဘန်ကောက်မြို့ရှိ၊ ပြည်‌ထောင်စုသမ္မတ မြန်မာနိုင်ငံသံရုံး၌၊ သံအမတ်ကြီး ဦးမျိုးမြင့်သိန်းထံသို့၊ မကြာသေးမီက လှူဒါန်းခဲ့သည်။

၂၀၂၀ ပြည့်နှစ်ကုန်၊ ကိန်းဂဏန်းများအရ၊ မွန်ပြည်နယ်၊ ရန်ကုန်တိုင်း၊ မန္တလေးတိုင်း၊ ဧရာဝတီတိုင်း၊ ပဲခူးတိုင်းနှင့် မကွေးတိုင်းများရှိ၊ ကျေးရွာပေါင်း (၁၃၁) ရွာရှိ၊ အိမ်ခြေပေါင်း (၁၂,၃၇၉) အိမ်ခြေမှ အများ ပြည်သူပေါင်း (၇၃,၃၃၄) ဦးအတွက်၊ သောက်သုံးရေကြည်ရေသန့်များရရှိရန်၊ ရေတွင်းများ၊ ရေပိုက်လိုင်း များ၊ တိုင်ကီများ တည်ဆောက် တပ်ဆင်ပေးကာ၊ ပညာပေးလုပ်ငန်းများလည်း ဆောင်ရွက်ခဲ့သည်။

Job Net Myanmar Co., Ltd က ကြီးမှူးခဲ့သည့် ၂၀၂၀ ပြည့်နှစ်အတွက် မြန်မာနိုင်ငံတွင်အလုပ် လုပ်ကိုင်ရန် အကောင်းဆုံးကုမ္ပဏီများ (Best Companies to Work in Myanmar 2020, BCIM) ဆု လုပ်ငန်းရှင်များ၏ထူးချွန်မှုအပေါ်ဂုဏ်ပြု အသိအမှတ်ပြုသည့် Myanmar Employer Awards 2020 အခမ်းအနား၌အလုံးစုံကဏ္ဍတွင်၊ အကောင်းတကာ့အကောင်းဆုံး ပြည်တွင်းအဖွဲ့အစည်းအဖြစ်ဆုအပြင်၊ အခြားသော ဆုအမျိုးအစား (၅) ဆုဖြင့် ထိုက်ထိုက်တန်တန် ဂုဏ်ပြုချီးမြှင့်ခံခဲ့ရသည်။

-ပြီး-