Grand Royal Group International ၏ (၃၀) နှစ်ပြည့် ပုလဲရတု နှစ်ပတ်လည် အထိမ်းအမှတ်အဖြစ် စီးပွားရေးလုပ်ငန်း တိုးချဲ့မှုနှင့် လူမှုပတ်ဝန်းကျင် ဖွံ့ဖြိုးတိုးတက်ရေးအပေါ် ရေရှည် ကတိကဝတ်ပြုမှုများကို ထင်ဟပ်စေသည့် အဓိပ္ပာယ်ပြည့်ဝသော အစီအစဉ်များစွာကို ဂုဏ်ယူစွာဖြင့် ကျင်းပပြုလုပ် ခဲ့ကြ ပါသည်။
အထိမ်းအမှတ်အခမ်းအနား၏ ကြီးမားသော အစိတ်အပိုင်းတစ်ခုမှာ Mandalay Sales Office နှင့် Supply Chain Warehouse သစ်ကို ဖွင့်လှစ်နိုင်ခဲ့ခြင်းဖြစ်ပြီး၊ ဒေသတွင်း လုပ်ငန်းလည်ပတ်မှုစွမ်းရည်များကို ပိုမိုအားကောင်းစေရန်နှင့် ဝန်ဆောင်မှုပိုင်းဆိုင်ရာ ထိရောက်မှုများကို မြှင့်တင်ရန်အတွက် အရေးကြီးသော ခြေလှမ်းတစ်ခုဖြစ်ခဲ့ပါသည်။ ဤကဲ့သို့ လုပ်ငန်းတိုးချဲ့နိုင်မှုသည် Grand Royal ၏ ရေရှည်တည်တံ့သော ဖွံ့ဖြိုးတိုးတက်မှုဆိုင်ရာ မျှော်မှန်းချက်နှင့် stakeholders များ၏ ပြောင်းလဲလာသော လိုအပ်ချက်များကို ဖြည့်ဆည်းပေးရန် အလေးအနက်ထားမှုကို ထင်ဟပ်စေပါသည်။
လူမှုရေးပိုင်းဆိုင်ရာ တာဝန်ယူတာဝန်ခံမှု ကတိကဝတ်နှင့်အညီ မန္တလေးမြို့ရှိ လုပ်ငန်းလည်ပတ်ရာ ဝန်းကျင်အနီးတွင် နေထိုင်ကြသော အိမ်ထောင်စု (၁,၀၀၀) အတွက် အခြေခံစားသောက်ကုန်များကို လှူဒါန်းပေးဝေခဲ့ကြပါသည်။ ယခုကဲ့သို့လုပ်ဆောင်ပံ့ပိုးပေးနေမှုများသည် လူမှုအဖွဲ့အစည်းများအပေါ် ပြန်လည်မျှဝေပေးဆပ်ရန်ဟူသော Grand Royal ၏ ယုံကြည်ချက်ကို ပေါ်လွင်စေပြီး တာဝန်သိသော တာဝန်ကျေပွန်သော နိုင်ငံ့သားကောင်းကုမ္ပဏီအဖြစ် ရပ်တည်မှုကို ပိုမိုခိုင်မာစေပါသည်။
Grand Royal ၏ပုလဲရတုနှစ်ပတ်လည် အထိမ်းအမှတ် အခမ်းအနားကို ရန်ကုန်မြို့၊ မှော်ဘီစက်ရုံတွင် ဆက်လက်ကျင်းပခဲ့ပြီး ၂၀၂၆ ခုနှစ်၊ ဇွန်လ ၁၁ ရက်နေ့တွင် နည်းပညာနှင့် ဆန်းသစ်တီထွင်မှုဗဟိုဌာန (Technical and Innovation Centre) ဖွင့်ပွဲအခမ်းအနားကိုပါပူးတွဲပြီး အောင်မြင်စွာ ကျင်းပနိုင်ခဲ့ပါသည်။ ဤအဆောက်အအုံသစ်သည် သုတေသနလုပ်ငန်းများ၊ အရည်အသွေးမြှင့်တင်မှုများနှင့် အနာဂတ်အတွက် အသင့်ဖြစ်စေမည့် ဆန်းသစ်တီထွင်မှုများတွင် Grand Royal ၏ စဉ်ဆက်မပြတ် ရင်းနှီးမြှုပ်နှံမှုကို ပြသနေခြင်းဖြစ်ပါသည်။ ထို့ပြင် မှော်ဘီဒေသရှိ ဒေသခံပြည်သူများအတွက် ထပ်ဆောင်းပံ့ပိုးကူညီမှုအဖြစ် (၃၀) နှစ်ပြည့် (ပုလဲရတု) အထိမ်းအမှတ် လှူဒါန်းမှုအစီအစဉ်ကို ဆောင်ရွက်ခဲ့ပြီး အိမ်ထောင်စု (၂,၀၀၀) ထံသို့ အခြေခံစားသောက်ကုန်များကို ပေးဝေလှူဒါန်းခဲ့ပါသည်။
ဤအခမ်းအနားများသို့ ThaiBev ၏ ဒါရိုက်တာဘုတ်အဖွဲ့ဝင်များ၊ Management Team၊ ဌာနဆိုင်ရာအကြီးအကဲများနှင့် လွန်ခဲ့သည့် ဆယ်စုနှစ်သုံးခုအတွင်း ကုမ္ပဏီ၏ အောင်မြင်မှုများကို စုပေါင်းအင်အားဖြင့် မောင်းနှင်ပေးခဲ့ကြသော တာဝန်သိဝန်ထမ်းများ တက်ရောက်ခဲ့ကြပါသည်။
လုပ်ငန်းတိုးချဲ့မှုနှင့် လူထုအကျိုးပြုလုပ်ငန်း ဆောင်ရွက်မှုဟူသော ဤအထင်ကရ မှတ်တိုင်နှစ်ခုစလုံးသည် တာဝန်သိသော စီးပွားရေးလုပ်ထုံးလုပ်နည်းများနှင့် အနှစ်သာရရှိသော လူထုအကျိုးပြု သက်ရောက် မှုများမှတဆင့် ရေရှည်တည်တံ့သော တန်ဖိုးများကို ဖန်တီးပေးရန်ဟူသော Grand Royal Group International ၏ တန်ဖိုးထားမှုများရှိသည့်အနက် က မယိမ်းယိုင်သော ကတိကဝတ်ကို ထင်ဟပ်ပြသနေသော အရာလည်း ဖြစ်ပါသည်။ Grand Royal Group ၏ (၃၀) နှစ်တာ တိုးတက်မှုခရီးစဉ်ကို ဆင်နွှဲနေစဉ်တွင် stakeholders များ၊ communities နှင့် industry တို့အတွက် ပိုမိုခိုင်မာသော အနာဂတ်ကို ဆက်လက်တည်ဆောက်သွားရန် ယုံကြည်ချက်၊ ရည်မှန်းချက် အပြည့်ဖြင့် ရှေ့သို့ မျှော်ကြည့် လျှောက်လှမ်းသွားမှာ ဖြစ်ပါသည်။
